Бисопролол - Тева

Бисопролол-Тева

Бисопролол

2,5 мг таблеткалар

Бір таблетканың құрамында

белсенді зат - 2.50 мг бисопролол фумараты

қосымша заттар: лактоза моногидраты, микрокристалды целлюлоза, магний стеараты, кросповидон

Ұзынша пішінді, екі жағында да сындыру сызығы және бір жағында «ВІ» және «2.5» таңбасы бар, өлшемі 8.0 х 4.0 мм ақ түсті таблеткалар.

Жүрек-қантамыр жүйесінің ауруларын емдеуге арналған препараттар. Бета-адреноблокаторлар. Селективті бета-адреноблокаторлар. Бисопролол.

АТХ коды С07АВ07

Фармакокинетикасы

Ішке қабылдаудан кейін бисопролол асқазан-ішек жолынан жақсы сіңіріледі. Биожетімділігі 90% жуық және ас ішуге байланысты емес. Ең жоғары концентрациясына 1-3 сағаттан соң жетеді. Қан плазмасы ақуыздарымен байланысуы 30% жуық құрайды.

Бауыр арқылы «алғаш өту» әсері болымсыз білінген, 10%-дан аз. CYP2D6 (Р-450 цитохромы 2D6 изоферменті) әсер етуімен бауырда ішінара (40-60%) биотрансформацияға ұшырап, белсенді емес метаболиттер түзіледі. Плазма ақуыздарымен байланысуы 30% жуық құрайды. Таралу көлемі 3,5 л/кг құрайды. Жалпы клиренсі 15 л/сағатқа жуық.

Организмнен 98% жуығы бүйрекпен, 50% өзгеріссіз күйде, қалғаны метаболиттер түрінде; 2% жуық доза ішек арқылы шығарылады. Жартылай шығарылу кезеңі 17 ± 5 сағат құрайды. Қан плазмасында Сmax мәніне 2-4 сағаттан соң жетеді. Бір рет қабылдағанда әсері 24 сағат бойы сақталады.

Фармакодинамикасы

Бисопролол-Тева – өзіндік симпатомиметикалық белсенділіксіз селективті бета1-адреноблокатор, жарғақшаны тұрақтандыратын әсері жоқ. Плазма ренині белсенділігін төмендетеді, миокардтың оттегіні қажетсінуін арттырады, жүректің жиырылу жиілігін (ЖЖЖ) азайтады (тыныштықта және жүктемеде). Гипотензиялық, аритмияға қарсы және антиангинальді әсер көрсетеді. Жоғары емес дозаларда жүректің бета1-адренорецепторларын бөгеп, аденозинтрифосфаттан (АТФ) цикл-аденозинмонофосфат (ц-АМФ) түзілуінің катехоламиндермен көтермеленуін азайтады, кальций иондарының жасуша ішіндегі ағынын төмендетеді, теріс хроно-, дромо-, батмо- және инотропты әсер көрсетеді, өткізгіштік пен қозуды бәсеңдетеді, миокард жиырылуын төмендетеді.

Дозаны арттырғанда бета2-адреностимуляциялау әсерін көрсетеді.

Препарат қолданудың басында, алғашқы 24 сағатта жалпы шеткері тамыр кедергісі артады (альфа-адренорецепторлар белсенділігін реципрокты арттыру және бета2-адренорецепторлар көтермеленуін жою нәтижесінде), ол 1-3 тәуліктен соң бастапқы деңгейіне оралады, ал ұзақ уақытқа тағайындалғанда төмендейді.

Гипотензиялық әсері минуттық қан көлемін, шеткері тамырлардың симпатикалық көтермеленуін азайтумен, ренин-ангиотензин жүйесінің белсенділігін төмендетумен (рениннің бастапқы гиперсекрециясы бар науқастар үшін маңызы зор), артериялық қысымның (АҚ) төмендеуіне берілген жауапқа сезімталдығын қалыпқа келтірумен және орталық жүйке жүйесіне (ОЖЖ) ықпал етумен байланысты. Артериялық гипертензияда әсері 2-5 күннен соң, тұрақты әсері 1-2 айдан соң басталады.

Антиангинальді әсері жүректің жиырылу жиілігін сирету және жиырылғыштықты төмендету, диастоланы ұзарту, миокард перфузиясын жақсарту нәтижесінде миокардтың оттегіні қажетсінуін азайтумен жүзеге асады. Сол жақ қарыншадағы соңғы диастола қысымының көтерілуі және қарыншалардың бұлшықет талшықтарының көп созылып кетуі есебінен, әсіресе, созылмалы жүрек жеткіліксіздігімен науқастарда оттегі қажеттілігін арттыруы мүмкін.

Бисопролол-Теваның бронхтар мен тамырлардың тегіс бұлшықеттерінің β2-рецепторларына және эндокриндік жүйенің β2-рецепторларына тектестігі өте төмен. Препарат бронхтар мен шеткері артериялардың тегіс бұлшықеттеріне, сондай-ақ сирек жағдайларда ғана глюкоза метаболизміне әсер етуі мүмкін .

• сол жақ қарыншаның систолалық функциясының төмендеуімен тұрақты созылмалы жүрек жеткіліксіздігін емдеуде, ангиотензин өзгертуші фермент тежегіштеріне (АӨФт) және диуретиктерге және, опциональді, жүрек гликозидтеріне қосымша ретінде.

СЖЖ стандартты емі АӨФт (немесе, АӨФт жақпаушылығы жағдайында, ангиотензинге рецепторлар блокаторы), бета-блокатор, диуретиктер және қажет болған жағдайда жүрек гликозидтерінен тұрады. Бисопрололмен емдеу басталғанда пациенттердің жай-күйі тұрақты (жедел жүрек жеткіліксіздігінсіз) болуы тиіс.

Емдеуші дәрігердің СЖЖ бар пациенттерді емдеу тәжірибесі болғаны дұрыс. Титрлеу фазасы кезінде немесе одан кейін СЖЖ ағымының уақытша нашарлауы, артериялық гипотензия немесе брадикардия туындауы мүмкін

Титрлеу фазасы

- бір апта бойы күніне 1,25 мг; жағымдылығы жақсы болса 2,5 мг дейін арттырады (төмендегі ақпараттан қараңыз)

- келесі аптаның ішінде күніне 2,5 мг; жағымдылығы жақсы болса 3,75 мг дейін арттырады (төмендегі ақпараттан қараңыз)

- келесі апта бойы күніне 3,75 мг; жағымдылығы жақсы болса 5,0 мг дейін арттырады (төмендегі ақпараттан қараңыз)

- 4 апта бойы күнделікті 5,0 мг; жағымдылығы жақсы болса 7,5 мг дейін арттырады (төмендегі ақпараттан қараңыз)

- келесі 4 апта бойы күніне 7,5 мг; жағымдылығы жақсы болса 10 мг дейін арттырады (төмендегі ақпараттан қараңыз)

- демеуші доза ретінде күніне 10,0 мг.

Ең жоғары ұсынылатын дозасы күніне бір рет 10,0 мг құрайды.

Титрлеу фазасы кезінде тіршілік қызметі көрсеткіштерін (қан қысымы, ЖЖЖ) және жүрек жеткіліксіздігінің үдеу симптомдарын мұқият қадағалау қажет болады. СЖЖ ағымының симптомдары препаратты қолданудың 1-ші күнінен-ақ өршуі мүмкін.

Емді түзету

Егер препараттың ең жоғары ұсынылатын дозасының пациенттегі жағымдылығы нашар болса, дозаны біртіндеп азайту мүмкіндігін қарастыру керек.

Егер титрлеу фазасы кезінде немесе одан кейін жүрек жеткіліксіздігінің уақытша нашарлауы байқалса, гипотензия немесе брадикардия дамыса, қатарлас препараттың дозалануын қайта қарау ұсынылады. Бисопролол дозасын уақытша азайту немесе емдеуді тоқтата тұру да қажет болуы мүмкін.

Пациенттің жай-күйі тұрақтанған соң қайталап титрлеу немесе емді жалғастыру керек.

Егер емдеуді тоқтату шешімі қабылданса, дозаны біртіндеп азайту ұсынылады, өйткені емді күрт тоқтату пациент жай-күйін жедел нашарлатуы мүмкін.

Таблеткаларды таңертең ас ішуге байланыссыз шайнамай, аздаған сұйықтық мөлшерімен қабылдау керек.

Бүйрек немесе бауыр функциясының бұзылулары

Созылмалы жүрек жеткіліксіздігі және бауыр немесе бүйрек функциясының бұзылулары бар науқастарда бисопролол фармакокинетикасы бойынша ешқандай қолжетімді ақпарат жоқ. Сондықтан осы пациенттерде дозаны арттыруды абайлап жүргізген жөн.

Егде жастағы пациенттер

Дозаны түзету қажет емес.

Емдеу ұзақтығы әркімге жеке белгіленеді. Дозаны баяу азайтып, препаратты біртіндеп тоқтату ұсынылады (бұл, әсіресе, ишемиялық жүрек ауруы (ИЖА) бар пациенттерде ерекше маңызды).

Өте жиі ( 1/10)

– брадикардия

Жиі ( 1/100,  1/10)

– бұрыннан бар жүрек жеткіліксіздігінің нашарлауы

– бас айналу*, бас ауыру*

– жүрек айну, құсу, диарея, іш қату

– аяқ-қолдың мұздауын немесе ұюын сезіну

– артериялық гипотензия

– астения

– шаршау*

Жиі емес ( 1/1000,  1/100)

– атриовентрикулярлық өткізгіштік бұзылулары, анамнезінде бронх демікпесі немесе тыныс алу ағзаларының обструкциялық ауруы бар пациенттерде бронх түйілуі

– бұлшықет әлсіздігі, бұлшықеттердің түйілуі

– ортостаздық гипотензия

– депрессия, ұйқының бұзылуы

Сирек ( 1/10 000,  1/1000)

– триглицеридтер деңгейінің жоғарылауы, бауыр ферменттері (АЛТ, АСТ) деңгейінің жоғарылауы

– естен тану

– көзден жастың аз ағуы (пациент жанаспалы линзалар таққанда ескеру керек)

– есту бұзылулары

– аллергиялық ринит

– қышыну, қызару, бөртпе сияқты аса жоғары сезімталдық реакциялары

– гепатит

– потенцияның бұзылуы

– түнгі қорқынышты түстер, елестеулер

Өте сирек ( 1/10 000)

– конъюнктивит

– шаштың түсуі. Бета-блокаторлар псориазға түрткі болуы немесе оны өршітуі немесе псориаз типті бөртпені тудыруы мүмкін.

*Аталған симптомдар емдеудің басында жиірек туындайды. Олар, әдетте, қарқыны аз сипатта болады және әдетте 1-2 апта ішінде жоғалып кетеді.

Кез келген күдік тудыратын жағымсыз құбылыстар туралы хабарлау өте маңызды. Бұл осы дәрілік заттың пайда/қауіп арақатынасының бейінін үздіксіз бақылап отыруға мүмкіндік береді.

– жедел жүрек жеткіліксіздігі немесе вена ішіне инотропты ем қажет болатын декомпенсация сатысындағы жүрек жеткіліксіздігі

– кардиогенді шок

– II және III дәрежедегі атриовентрикулярлық бөгет (электрокардиостимуляторсыз)

– синустық түйіннің әлсіздік синдромы

– синоатриальді бөгет

– минутына 60 рет соғатын брадикардияның бастапқы деңгейі

– гипотензия (систолалық артериялық қысым 100 мм сын. бағ. төмен)

– ауыр бронх демікпесі

– шеткері артерия ауруларының кешеуілді сатылары және Рейно ауруы

– емделмеген феохромоцитома

– метаболизмдік ацидоз

– бисопрололға немесе препарат компоненттерінің кез келгеніне жоғары сезімталдық

– 18 жасқа дейінгі балалар (тиімділігі және қауіпсіздігі анықталмаған)

– жүктілік және лактация кезеңі

Сақтықпен

– бронх түйілуіне бейімділік (бронх демікпесі, тыныс алу жолдарының обструкциялық аурулары)

– қандағы глюкоза деңгейінің елеулі ауытқуларымен қант диабеті; гипогликемия симптомдары бүркемеленуі мүмкін

– қатаң диета

– ұзаққа созылатын десенсибилизациялау емі. Басқа бета-блокаторлар сияқты, бисопролол аллергендерге сезімталдықты жоғарылатуы және анафилаксиялық реакциялар айқындылығын арттыруы мүмкін. Эпинефринмен емдеу күтілетін емдік әсерді үнемі қамтамасыз ете алмайды.

– АV-бөгетінің бірінші дәрежесі

– Прицметал стенокардиясы

– артериялардың шеткері окклюзиялық зақымданулары (ем басталған соң симптомдар өршуі мүмкін)

– жалпы анестезия

Басқа препараттарды бір мезгілде қабылдау препараттың әсеріне және жағымдылығына ықпал етуі мүмкін. Осындай өзара әрекеттесулер, егер басқа препаратты қабылдаған сәттен тым аз уақыт өтсе де, болуы мүмкін. Егер Сіз қандай да бір басқа препаратты қабылдап жүрсеңіз, өз емдеуші дәрігеріңізді хабардар етіңіз.

Келесі препараттармен бір мезгілде қолдану ұсынылмайды:

Верапамил және аз дәрежеде дилтиазем типті кальций антагонистері Бисопролол-Тева препаратымен бір мезгілде қолданғанда жүрек бұлшықетінің жиырылу қабілетінің төмендетуі және атриовентрикулярлық импульстер өткізілуін кідіртуі мүмкін. Бета-блокаторлармен ем қабылдап жүрген пациенттерде, атап айтқанда, вена ішіне верапамил енгізу терең гипотензияға және атриовентрикулярлық бөгеліске әкелуі мүмкін.

Орталық әсер ететін гипертензияға қарсы препараттар (клонидин, метилдопа, моксонидин, резерпин сияқты) ЖЖЖ және жүрек лықсыту азаюына, сондай-ақ орталық симпатикалық тонус төмендеуі салдарынан вазодилатацияға әкелуі мүмкін. Әсіресе, бета-блокаторларды тоқтатуға дейінгі күрт тоқтату «рикошетті» гипертензияның даму қаупін арттыруы мүмкін.

Келесі препараттармен абайлап қолдану керек:

Аритмияға қарсы I класс дәрілері (мысалы, хинидин, дизопирамид, лидокаин, фенитоин, флекаинид, пропафенон): атриовентрикулярлық өткізгіштік уақытына ықпал етеді, сондай-ақ теріс инотропты әсері артуы мүмкін.

Фелодипин және амлодипин сияқты дигидропиридин типті кальций өзекшелерінің блокаторлары: қатарлас қолдану гипотензия қаупін арттыруы мүмкін және сол жақ қарынша функциясының әріқарай нашарлау қаупінің артуы жоққа шығарылмайды.

Аритмияға қарсы III класс дәрілері (мысалы, амиодарон): атриовентрикулярлық өткізгіштік уақытына ықпалы күшеюі мүмкін.

Парасимпатомиметиктер: біріктірілген ем атриовентрикулярлық өткізгіштік уақытын ұзартуы және брадикардия қаупін арттыруы мүмкін.

Бета-блокаторларды жергілікті қолдану (мысалы, глаукоманы емдеуге арналған көзге тамызатын дәрілер) бисопрололдың жүйелі әсерін күшейтуі мүмкін.

Инсулин мен диабетке қарсы ішуге арналған дәрілердің қантты төмендету әсері күшеюі мүмкін. Бета-адренорецепторлар бөгелісі гипогликемия симптомдарын бүркемелеуі мүмкін.

Жансыздандыратын препараттар: рефлекторлы тахикардияның әлсіреуі және гипотензия қаупінің жоғарылауы.

Жүрек гликозидтері: жүректің жиырылу жиілігінің төмендеуі, атриовентрикулярлық өткізгіштік уақытының ұзаруы.

Қабынуға қарсы стероидты емес препараттар (ҚҚСП): Бисопролол-Теваның гипотензиялық әсерін төмендетуі мүмкін.

β-симпатомиметиктер (мысалы, добутамин, орципреналин): бисопрололмен біріктіру екі агенттің де әсерін төмендетуі мүмкін. Аллергиялық реакцияларды емдеу үшін адреналиннің жоғарырақ дозалары қажет болуы мүмкін.

α- және β-рецепторларды белсендіретін симпатомиметиктер (мысалы, адреналин, норадреналин): қан қысымын көтеруі және мезгіл-мезгіл ақсаңдауды өршітуі мүмкін. Ондай өзара әрекеттесулер селективті емес бета-блокаторлар қолдану кезінде аса ықтималды.

Трицикл антидепрессанттары, барбитураттар, фенотиазиндер, сондай-ақ гипертензияға қарсы басқа дәрілер: гипотензиялық әсердің күшеюі.

Келесі препараттарды бірге қолданғанда мына ескертулер назарға алынуы тиіс:

Мефлохин: брадикардия қаупінің жоғарылауы.

Моноаминоксидаза тежегіштері (МАО-В тежегіштерінен басқа): бета-блокаторлардың жоғары гипотензиялық әсері, сондай-ақ гипертониялық криз қаупі.

Жалпы анестезия: Жалпы анестезия қабылдаған пациенттерде бета-блокаторлар кіріспе наркоз, интубация кезінде және операциядан кейін аритмия мен миокард ишемиясы қаупін азайтады. Қазіргі уақытта операция кезінде бета-блокаторлар қолдануды жалғастыру ұсынылады. Анестезиолог пациенттің бета-блокаторлар қабылдап жүргенінен хабардар болуы тиіс, өйткені брадиаритмия, рефлекторлы тахикардия әлсіреуіне, сондай-ақ қан жоғалтуға жол бермеуге рефлекторлы қабілет төмендеуіне әкелетін басқа дәрілік препараттармен өзара әрекеттесуі болуы мүмкін. Егер бета-блокаторлармен емдеуді операцияға дейін тоқтату қажет болса, онда ол біртіндеп орындалуы және анестезияға дейін шамамен 48 сағат ішінде толық аяқталуы тиіс.

Пациенттердің ерекше топтары: қазіргі таңда жүрек жеткіліксіздігі және инсулинге тәуелді қатарлас I типті диабеті, бүйрек функциясының ауыр бұзылулары, бауыр функциясының ауыр бұзылулары, рестриктивті кардиомиопатия, туа біткен жүрек аурулары немесе гемодинамиканы бұзатын жүрек клапандарының органикалық ақаулары бар пациенттерде Бисопролол-Тева препаратын қолданудың жеткілікті емдік тәжірибесі жоқ. Алғашқы 3 ай ішіндегі жүрек жеткіліксіздігі және миокард инфарктісі бар пациенттерде Бисопролол-Тева препаратын қолданудың да жеткілікті емдік тәжірибесі жоқ.

Бисопрололды верапамил және дилтиазем типті кальций өзекшелерінің блокаторларымен, аритмияға қарсы I класс препараттарымен және орталық әсер ететін гипертензияға қарсы препараттармен біріктіру, әдетте, ұсынылмайды.

Бисопролол-Тева сақтықпен қолданылу керек болатын аурулар. Тыныс алу жүйесі

Өкпенің обструкциялық ауруларымен науқастарда бисопрололмен емдеу мүмкін болатын ең аз дозадан басталуы тиіс және пациенттерде жаңа симптомдардың (мысалы, ентігу, жүктемені көтере алмау, жөтел) бар-жоғы мұқият тексерілуі тиіс. Басқа симптоматикалық ӨСОА немесе бронх демікпесінде ағымдағы бронхолитикалық ем жүргізілу керек. Кейде демікпесі бар пациенттерде тыныс алу жолдары кедергісінің артуын байқауға болады, ол β2-агонистер дозасын арттыруға әкелуі мүмкін.

Басқа да β-блокаторлар сияқты, бисопролол аллергендерге сезімталдықты арттыруы және анафилаксия симптомдарын күшейтуі мүмкін. Адреналинмен емдеу емдік әсер қажеттілігін үнемі қамтамасыз етпейді.

Аллергиялық реакциялар: Басқа бета-блокаторлар жағдайындағы сияқты, Бисопролол-Тева аллергендерге сезімталдықты да, анафилаксиялық реакциялар айқындылығын да арттыруы мүмкін. Осы жағдайларда адреналин қажетті емдік әсерді үнемі қамтамасыз ете алмауы мүмкін.

Псориаз: псориаз немесе анамнезінде псориаз бар пациенттер пайдасы мен қауіптерін мұқият саралаудан соң ғана бета-блокаторлар (мысалы, бисопролол) қабылдауы тиіс.

Феохромоцитома: Феохромоцитомасы бар пациенттерге бисопролол альфа-рецепторлар бөгетінен кейін ғана енгізілуі тиіс.

Тиреотоксикоз: Бисопрололмен емдеуде тиреотоксикоз симптомдары бүркемеленуі мүмкін. Сондықтан бисопрололмен емдеудің басында жүйелі мониторинг талап етіледі.

Бисопрололмен емдеу, егер бөлек көрсетілмесе, күрт тоқтатылмауы тиіс (Қосымша ақпарат алу үшін «Қолдану тәсілі және дозалары» бөлімін қараңыз).

Бисопролол-Тева қолдану допинг-тестілердің оң нәтижелеріне әкелуі мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бисопролол жүректің коронарлық тамыр ауруларынан зардап шегетін пациенттер зерттеуінде автокөлікті басқару қабілетіне ықпал етпеген. Алайда жекеше реакциялар нәтижесінде автокөлікті басқару немесе техникалық күрделі механизмдермен жұмыс істеу қабілетіне нұқсан келуі мүмкін. Емдеудің басында, дозаны өзгертуден кейін, сондай-ақ бір мезгілде алкоголь тұтынғанда осыған ерекше көңіл бөлу керек.

Симптомдары: артық дозалану кезінде (мысалы, 7,5 мг орнына 15 мг тәуліктік дозасында) үшінші дәрежедегі атриовентрикулярлық бөгеліс, брадикардия және бас айналу байқалды. Негізінен, бета-блокаторлар артық дозаланған ең жиі симптомдарға брадикардия, гипотензия, бронх түйілуі, жедел жүрек жеткіліксіздігі және гипогликемия жатады.

Емі: артық дозалану жағдайында Бисопролол-Тева препаратымен емдеуді тоқтатып, демеуші және симптоматикалық ем жүргізу қажет. Бисопрололдың диализ көмегімен мүлде шығарылмайтыны жөнінде шектеулі деректер бар. Басқа бета-блокаторларға қатысты болжанатын фармакологиялық әсерлер мен нұсқаулар бойынша тиісті клиникалық көрсетілімдерде келесі жалпы шараларды қарастыру қажет.

Брадикардия: вена ішіне атропин енгізу. Егер емдеуге реакция жеткіліксіз болса, изопреналин немесе оң хронотропты қасиеттері бар басқа препарат енгізуге болады. Кейбір жағдайларда вена арқылы кардиостимулятор қою керек болуы мүмкін.

Артериялық гипотензия: вена ішіне ерітінділер және тамыр тарылтатын заттар енгізуді қолдану керек. Вена ішіне глюкагон енгізу де пайдалы болуы мүмкін.

Атриовентикулярлық бөгет (екінші немесе үшінші дәрежеде): пациенттерге изопреналинді инфузиялық енгізумен немесе вена арқылы кардиостимулятор қоюмен емдеу және мұқият мониторинг өткізу қажет.

Жүрек жеткіліксіздігінің нашарлауы (жедел): вена ішіне диуретиктер, инотропты препараттар, тамыр тарылтатын дәрілер енгізу.

Бронх түйілуі: изопреналин, бета2-симпатомиметиктер және/немесе аминофиллин сияқты дәрілер қолданылатын бронходилататорлармен емдеу.

Гипогликемия: вена ішіне глюкоза енгізу.

Шығарылу түрі және қаптамасы

ПВХ/ПВДХ/алюминий фольгадан жасалған пішінді ұяшықты қаптамаға 10 таблеткадан салады.

Пішінді ұяшықты 3 қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

25ºС-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Препаратты қаптамасында көрсетілген жарамдылық мерзімі өткеннен кейін қолдануға болмайды.

Рецепт арқылы

Өндіруші

Ниш Дженерикс Лимитед, 5 блок, Балдойл өнеркәсіп ауданы, Дублин 13, Ирландия

Тіркеу куәлігі иесінің атауы және елі

Актавис Групп, Исландия

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы:

«ратиофарм Қазақстан» ЖШС, 050059 (А15Е2Р), Алматы қ., Әл Фараби д-лы 17/1, Нұрлы тау БО, 5Б, 6 қабат. Телефон: (727) 3251615

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«ратиофарм Қазақстан» ЖШС, 050059 (А15Е2Р), Алматы қ., Әл Фараби д-лы 17/1, Нұрлы тау БО, 5Б, 6 қабат. Телефон: (727) 3251642, ұялы +7 (701) 924 03 68, е-mail: safety.kazakhstan@tevapharm.com